Chadema yaibwaga CCM Arumeru 

 NI Chadema. Tambo za muda mrefu za nani angeibuka mshindi katika kinyang’anyiro cha uchaguzi mdogo wa Jimbo la Arumeru Mashariki zilifikia kikomo jana, baada ya Chadema, kunyakua jimbo hilo.    Mgombea wa chama hicho, Joshua Nassari aliibuka kidedea baada ya kupata kura 32,972 sawa na asilimia 54.91 ya kura halali 60,038 zilizopigwa katika vituo 327 vya kupigia kura jimboni humo.

Nassari alimbwaga aliyekuwa mshindani wake wa karibu, Sioi Sumari wa CCM, ambaye alipata kura 26,757 ambazo ni sawa na asilimia 44.56. Uchaguzi huo mdogo ulifanyika kufutia kifo cha aliyekuwa mbunge wa jimbo hilo, Jeremia Sumari mwanzoni mwa mwaka huu.

Akitangaza matokeo ya uchaguzi huo jana alfajiri, Msimamizi wa uchaguzi wa jimbo hilo, Trasias Kagenzi alisema watu waliojiandikisha kupiga kura walikuwa 127,455 na waliojitokeza kupiga kura ni 60,699 sawa na asilimia 48.38 ambapo kura 661 zilikataliwa hivyo kufanya kura halali ziwe 60,038. 

“Kwa mujibu wa sura 343 ya sheria za uchaguzi nchini na kwa mamlaka niliyopewa namtangaza ndugu Nassari Joshua, kuwa mbunge wa jimbo hili la Arumeru Mashariki,”alisema Kagenzi, kauli ambayo iliibua shangwe kwa wafuasi wa Chadema waliokuwa wakisubiri matokeo hayo usiku kucha kwenye kituo cha kujumlishia kura kilichopo katika mji mdogo wa Usa River. 

Kagenzi aliwataja wagombea wengine ambao kwa ujumla wao walipata asilimia 0.53 ya kura zilizopigwa kuwa ni Abdalah Mazengo wa AFP aliyepata kura 139, Mohamad Abdalah Mohamed wa DP kura 77, mgombea wa SAU  Shabani Kirita aliyepata kura 22, Hamis Kieni wa NRA kura 35, wa TLP Abraham Chipaka kura 18 na mgombea wa UPDP, Charles Msuya alipata kura 18. 

Idadi ya wapigakura waliojitokeza kushiriki uchaguzi huo mwaka huu waliongezeka kwa asilimia 8.2 ikilinganishwa na wapigakura 55,698 waliojitokeza Oktoba 31, 2010 kwenye uchaguzi mkuu wa Rais, wabunge na madiwani.Kadhalika kura zilizokataliwa zimepungua kutoka za mwaka juzi kura 1,297 hadi kufikia kura 661 katika uchaguzi wa juzi, sawa na asilimia 49.03. 

Sioi, wenzake wakacha kusaini

Mgombea wa CCM, Sioi na wagombea wengine wawili wa vyama vya NRA na UPDP jana hawakujitokeza kusaini fomu za matokeo ya uchaguzi huo licha ya kuitwa mara kadhaa na msimamizi wa uchaguzi.  

Awali Sioi, alifika katika chumba cha majumuisho ya kura saa 6:15 usiku akiwa ameandamana na Makamu mwenyekiti wa Jumuiya ya Umoja wa Vijana wa CCM (UVCCM) Beno Malisa na makada kadhaa wa CCM na mara baada ya kufika katika chumba hicho, walifanya mazungumzo kidogo na msimamizi wa uchaguzi.
 

Baadaye Sioi aliondoka na makada hao majira ya saa 7 usiku na kutokomea huku Malisa akieleza kuwa mgombea huyo wa CCM jana hakuwa tayari kutoa maoni kuhusu uchaguzi huo.“Tunaomba mtuache kwanza, ila katika siasa kuna kushinda na kushindwa na mwanasiasa lazima atambue haya mawili,” alisema Malisa. 

Mkesha wa kusubiri matokeo
Wafuasi wa Chadema na waandishi wa habari walilazimika kusubiri kwa saa zaidi ya 12 kwenye kituo hicho cha kuhesabia kura hadi saa 12.50 alfajiri ya jana wakati Kagenzi alipotangaza matokeo hayo.
 
Usiku huo ulikuwa ni wa taabu kutokana na mvua kubwa iliyonyesha kati ya saa 8.00 usiku na saa 12.00 alfajiri huku kukiwa na katizo la umeme kwa zaidi ya mara mbili hivyo kukatiza mara kadhaa mchakato wa kujumlisha kura.Mvua hiyo ni kubwa ya kwanza kunyesha katika Wilaya ya Meru tangu kuanza kwa kampeni za uchaguzi huo mdogo Machi 9, mwaka huu hadi juzi wakati kura zilipoanza kujumlisha.
  
Maandalizi ya jenereta ya dharura yaliyokuwa yamefanywa na ofisi ya Msimamizi wa Uchaguzi, yaliwezesha kazi hiyo kuendelea hadi mchakato mzima ulipokamilika, hivyo kuwezesha mshindi kutangazwa saa 12.54 jana alfajiri.
 
Masanduku ya kura na fomu za matokeo kutoka vituo vya kupigia kura vilianza kuwasilishwa kwa msimamizi wa uchaguzi saa 1.20 usiku wa juzi na ilipotimu saa 7.00 usiku jana, tayari kata zote zilikuwa zimewasilisha taarifa zake. Hata hivyo kasoro iliyojitokeza ni pale polisi walipolazimika kutumia mabomu ya machozi kuwatawanya wafuasi wa Chadema waliokuwa wakiandamana wakishangilia ushindi kabla ya kutangazwa kwa matokeo hayo.
 
Kati ya saa 2.00 na saa 4.30 usiku, mabomu hayo ya machozi na ya vishindo yalirindima mfululizo katika eneo la Usa River na kusababisha maduka, migahawa na baa kufungwa mapema.
 
Baadhi ya wafuasi wa Chadema walikamatwa na Mwenyekiti wa chama hicho, Freeman Mbowe alisema walikuwa na mpango wa kwenda kuwawekea dhamana katika Kituo Kikuu cha Arusha mjini ambako waliwekwa mahabusu.
 
Habari zinasema katika tafrani hiyo, gari la Mkuu wa Operesheni ya Polisi katika Uchaguzi wa Igunga, Naibu Kamishna wa Polisi (DCP), Issaya Mngulu lilivunjwa kioo chake baada ya kupigwa na jiwe kutoka kwa waandamanaji.
  
“Hicho ni chanzo cha hasira za polisi ambao walirusha mabomu ya machozi kudhibiti hali hiyo maana tusingefanya hivyo hali ingekuwa mbaya zaidi,”alisema mmoja wa viongozi wa vikosi vya polisi ambaye hata hivyo hakutaka kutajwa gazetini.

Wabunge: Tulicharangwa mapanga mbele ya polisi 

 

Joseph Zablon
WABUNGE wawili wa Chadema ambao walijeruhiwa kwa mapanga na mashoka katika uchaguzi mdogo wa udiwani Jimbo la Kirumba, Mwanza wamesema walipata kipigo hicho mbele ya polisi.

Wakizungumza jana katika Chumba namba 310, Wodi 16 Jengo la Kibasila, Hospitali ya Taifa Muhimbili, wabunge hao walidai kuwa walipigwa na vijana wa CCM ambao walikuwa na watu wanaowatambua huku polisi wa doria wakishuhudia.
Mbunge wa Ilemela, Highness Kiwia alisema kilichotokea hakukitarajia na haamini kama polisi wanaweza wakashirikiana na majambazi kujeruhi wengine.

“Nilipofika Ibanda Kabuhoro, kuna gari lilikuwa mbele yangu likasimama, wakashuka watu kama 19 hivi, wakavunja kioo cha mbele cha gari langu. Kuna polisi alikuwa amebeba silaha jirani akasogea, nilipojaribu kufungua kioo kuzungumza naye nikapuliziwa ‘spray’ ambayo siitambui,” alisema.

Kiwia alisema watu hao walikuwa wakiwashambulia huku polisi wakiangalia… “wakati wote walitaka nitoe silaha ambayo walidai kuwa ninayo huku wakinipiga na walianza kwa kunipiga na rungu jichoni na kisha nikavutwa hadi nje ya gari na kukanyagwa usoni.”

Mbunge huyo alisema watu hao waliendelea kumpiga licha ya jitihada zake za kuomba msaada kwa polisi hazikuzaa matunda na hata alipojaribu kushika suruali ya polisi ili ajinusuru kwa kipigo, hakufanikiwa na ghafla alipigwa na kitu kizito kichwani.

“Fahamu zilinivurugika, nilijikokota hadi katika gari la doria la polisi na wakati najaribu kupanda polisi mwingine mwenye bunduki begani alinibeba na kunitupa garini,” alisema Kiwia na kuongeza kwamba ndani ya gari hilo aligundua kuwa ametupwa juu ya mwili wa Mbunge mwenzake, Salvatory Machemli.

Alisema hayo yakitokea alipokuwa akielekea eneo la Magnum ambako walielezwa kuwa kuna wana CCM ambao wamejikusanya sehemu ambako aliambiwa kuwa huenda walikuwa wanagawana rushwa.

Hata hivyo, alisema alipofika Ibanda gari lililokuwa mbele yake lilisimama… “Ile barabara ni nyembamba hivyo nikawa nasubiri, ghafla wakashuka watu kama 19 na mara gari jingine likaja na kusimama nyuma ya la kwangu, hofu ikaniingia nikapiga simu kwa Wenje (Mbunge wa Nyamagana Chadema) ambaye hata hivyo, simu yake ikawa haipatikani.”
Mbunge huyo alisema alimpigia pia Machemli ambaye alipokea na kumweleza kuwa ametekwa na pia akaifahamisha pia polisi lakini, akiwa bado amezungukwa na watu hao gari la Machemli lilifika eneo la tukio na lilizingirwa na wahalifu hao ambao pia walimpatia kipigo.

“Muda mfupi baadaye polisi walifika na wawili kati yao wakiwa na silaha za moto na mmoja wao alisimama jirani na mlango wa gari langu,” alisema na kuongeza kuwa ghafla kioo cha mbele cha gari lake kilivunjwa.
Alisema kuona hivyo alishusha kioo ili azungumze na polisi aliyekuwa amesimama jirani na gari lake, wakati huo mbunge mwenzake akiendelea kunyukwa lakini mbele ya polisi huyo.

“Walinishusha wakaanza kunipiga na walianza kwa kunipiga na rungu jichoni, kisha mabapa ya mapanga, nikalimwa shoka kichwani na kudondoka chini. Waliendelea kunipiga huku wakinikanyaga,” alisema.

Muuguzi wa wodi hiyo, Ezelina Zambi alisema hali za majeruhi hao zinaendelea vizuri.
“Kiwia alipiga x-ray kifuani na kichwani na anasubiri kipimo cha MRI ili kujua kama tissue za ubongo wake zimepata athari zozote,” alisema na kuongeza kuwa kama kipimo hicho kitaonyesha hakuna tatizo huenda akaruhusiwa.

Wabunge hao wawili walishambuliwa usiku wa kuamkia juzi na watu hao wasiojulikana na baada ya tukio hilo walipelekwa katika Hospitali ya Rufaa Bugando, Mwanza kabla kusafirishwa hadi Dar es Salaam.

Kiwia na mwenzake pamoja na watu wengine kadhaa walishambuliwa na wanaodaiwa kuwa ni wafusi wa CCM, hivyo kumsababishia majeraha kichwani.

Mbali wabunge hao wengine ni waliojeruhiwa ni Ahmed Waziri ambaye anadaiwa kuwa ni kada wa UVCCM aliyekatwa kiganja chake cha mkono wa kulia, Haji Mkweda (21), Judith Madaraka (26) na Ivory Mchimba (26).

Alipoulizwa jana kuhusu madai ya wabunge hao, Kamanda wa Polisi Mkoa wa Mwanza, Liberatus Barlow alikataa kuzungumzia tukio hilo kwa maelezo kwamba polisi bado inaendelea na uchunguzi.

“Tunafanya uchunguzi, kwa sasa hata majina haya ya majeruhi ambao niliwapa unaona hayajabainisha nani ni nani,” alisema. 

USHINDI wa Chadema katika Jimbo la Arumeru Mashariki na kata tatu za udiwani, umezidi kukiweka pabaya, CCM kuelekea Uchaguzi Mkuu wa 2015, huku sababu za ushindi huo zikitajwa kuwa ni matumizi mazuri ya kasoro za chama hicho tawala katika mambo mbalimbali.

Chadema kimepata ushindi katika uchaguzi mdogo wa Arumeru Mashariki baada ya mgombea wake, Joshua Nassari kuwashinda wenzake saba katika kinyang’anyiro hicho.

Hii ni mara ya kwanza katika historia ya nchi hii kwa chama cha upinzani kushinda uchaguzi mdogo katika jimbo ambalo kabla halijawa wazi kwa sababu zozote zile, lilikuwa mikononi mwa CCM.

Arumeru Mashariki limekuwa wazi tangu mwanzoni mwa mwaka huu baada ya aliyekuwa mbunge wake, Jeremia Sumari (CCM), kufariki dunia.

Nassari ameshinda kwa asilimia 54.91 wakati mpinzani wake wa karibu, Sioi Sumari wa CCM alipata asilimia 44.56 ya kura halali 60,038 zilizopigwa katika vituo 327 vya kupigia kura.

Sababu za ushindi
Chadema kiliingia katika kinyang’anyiro hicho kwa kujishusha hivyo kupata muda wa kujifunza jinsi ya kwenda kuishi na wananchi wa Arumeru kwa maana ya kufahamu lugha ya kuzungumza nao, kutambua mahitaji yao, kisha kutafuta majawabu ya kuwapa juu ya mahitaji hayo.

Kilijenga timu imara ya kuratibu kampeni zake kwa ufanisi, na jukumu hilo liliangikia kwa watu watatu, Mbunge wa Karatu, Mchungaji Israel Natse na Meneja mwenza wake, Vicent Nyerere ambaye pia ni Mbunge wa Musoma Mjini na Mkurugenzi wa Masuala ya Bunge, John Mrema ambaye alipewa jukumu la kusimamia oparesheni zote.

Nyerere pia alichukuliwa kama kete ya Chadema kuwashawishi wananchi wa Arumeru ambao wanaaminika kuwa waumini wa siasa za Baba wa Taifa, Mwalimu Julius Nyerere kupata uthibitisho kwamba hata katika familia yake, wapo watu wa upinzani.

Licha ya CCM kutuma timu nzito ya vigogo katika kampeni zake, Mwenyekiti na Rais Mstaafu, Benjamin Mkapa, Waziri Mkuu aliyejiuzulu na Mbunge wa Monduli, Edward Lowassa, Mlezi wa CCM Arusha na Waziri wa Nchi, Ofisi ya Rais Uratibu na Uhusiano, Stephen Wassira, Katibu Mkuu wake, Wilson Mukama na Katibu wa Itikadi na Uenezi Taifa, Nape Nnauye bado mgombea wake aliangushwa.

Hata hivyo, uchaguzi huo umefanyika wakati CCM kikiwa katika mpasuko mkubwa ambao umechangiwa na siasa za makundi. Makundi hayo ni ya vigogo wa chama hicho, ambao wanajipanga kuwania Urais mwaka 2015 na kwa sasa kila kundi linaendesha mipango wa kujiimarisha katika kila eneo muhimu kuanzia ngazi za chini.
Ishara za kushindwa
Ishara za kushindwa CCM zilianza kuonekana katika mchakato wa mwanzo wa kura za maoni ndani ya chama hicho, kwani wanachama ambao walijitokeza kugombea na kushindwa, wengi wao hawakuvunja kambi zao.
Makundi yaliyokuwa na nguvu ni yale yaliyokuwa na makada wa chama hicho, William Sarakikya, Elirehema Kaaya na Elishiria Kaaya ambaye pia ni Mjumbe wa Halmashauri Kuu (Nec) ya CCM Mkoa wa Arusha.
Pia siasa za makundi ndani ya CCM Mkoa wa Arusha, ambako bado vigogo wa chama hicho, hasa Katibu wa Mkoa, Mary Chatanda na Mwenyekiti wake, Onesmo Nangole hawana uhusiano mazuri kunaelezwa kuwa ni moja ya sababu za kuanguka.
Awali, Chatanda ambaye anadaiwa kuwa na mgogoro na wana-CCM wengine wa Arusha, alitajwa kumpinga waziwazi Sioi katika kura za maoni na alimpa karata yake Sarakikya na Elishilia Kaaya ambao wote walishindwa.
Pia wanasiasa waliotumika katika kampeni za CCM katika uchaguzi huo mdogo ni moja ya mambo ambayo yalikiathiri chama hicho.
Lugha zilizokuwa zikitumiwa na baadhi yao dhidi ya viongozi wa juu wa Chadema na wabunge wake kwa mfano, alizokuwa akimwaga jukwaani, mpiga kampeni nguli wa wake, Livingstone Lusinde ambaye pia ni Mjumbe wa Halmashauri Kuu ya CCM (Nec), ni moja ya mambo yanayooelezwa kuwa yalichangia kupunguza kura za mgombea wa chama hicho.
Pia kuhujumiana ndani ya chama kwa kuvujisha taarifa za vikao vya siri vya mikakati ya ushindi, kiasi kikubwa kumechangia chama hicho kushindwa kwa tofauti ya zaidi ya kura 6,000.
Moja ya mambo ambayo yanadaiwa kutoka ndani ya CCM, ni siri ya kuongeza vituo vya kura, mpango wa kubadilishwa baadhi ya matokeo ya fomu za mawakala, kuingizwa kura bandia kupitia mabalozi wa nyumba kumi katika vituo mapema alfajiri na pia, kuhongwa kwa baadhi ya mawakala.
Mipango hiyo inadaiwa kukwama hata kabla ya siku ya kupiga kura hali ambayo inadaiwa kuwa iliichanganya kambi ya CCM.
Hata katika upangaji wa ratiba ya kampeni na wazungumzaji katika kampeni hizo, kunadaiwa kulikuwa na hujuma miongoni mwa wazungumzaji huku kundi moja likituhumiwa kufika katika jimbo hilo, kuhujumu kampeni kwa kutoa lugha ambazo haziwapendezi wananchi na hivyo kuwachukiza.
Sababu nyingine ni gtuhuma za ufisadi zinazowakabili baaadhi ya makada wa chama hicho. Hilo limewafanya baadhi ya wananchi kukichukia wakiamini kuwa mafisadi ambao hupigwa vita na Chadema ndiyo chanzo cha umaskini mkubwa unaowakabili Watanzania.

Kampeni

Uzinduzi wa kishindo wa kampeni za chama hicho ambao ulirushwa moja kwa moja na kituo cha Televisheni cha Star, Machi 10, mwaka huu uliashiria kwamba Chadema kilikuwa kimedhamiria kushinda.

Mbali na shamrashamra za hapa na pale, mkutano wa uzinduzi ulipanga ajenda za kampeni za chama hicho na aliyekuwa mgombea, Nassari na Naibu Katibu Mkuu wa Chadema, Zitto Kabwe waliweka bayana kwamba suala la ardhi ni miongoni mwa mambo ambayo yatapewa umuhimu mkubwa.

Ajenda nyingine ambayo pia iliwekwa wazi na Nassari ni matatizo ya maji katika maeneo mengi ya jimbo hilo ambalo kuna chanzo kikuu cha maji kwa Miji ya Arusha na Monduli.

Ajenda hizo za ardhi, maji na nyingine pia zilibebwa na timu za kampeni wabunge wa chama hicho ambao walikuwa wakifika nyumba hadi nyumba mbali na mikutano ya hadhara vijijini.

Matumizi ya helkopta katika siku tisa za mwisho za kampeni, yalimwezesha Nassari na timu yake ya kampeni kuwafikia wananchi wengi zaidi katika muda mfupi sambamba na kuongeza hamasa kwa maana ya kuwa sehemu ya kushawishi watu kufika kwenye mikutano katika sehemu mbalimbali.

Viongozi wakuu wa Chadema, Mwenyekiti, Freeman Mbowe na Katibu Mkuu, Dk Willibrod Slaa walikuwa na mchango mkubwa katika kufanikisha ushindi wa Nassari.

Kulikuwa na kila dalili kwamba viongozi hawa wanakubalika na kuaminika kwa wananchi kwani kila walipofika na kuhutubia, idadi ya watu ilikuwa kubwa na utulivu ulionekana kuwa wa hali ya juu.

Uwepo wa viongozi hao ulimwongezea nguvu kubwa mgombea wao ambaye pia alionekana kuwa na uwezo mkubwa wa kujieleza akitumia lugha rahisi kuzungumzia matatizo yanayowagusa watu katika eneo husika.

Ni kama alikuwa amefanya utafiti wa kila alikokweda, kwani hotuba katika kijiji kimoja haikuwa na uhusiano na hotuba ambayo angeitoa katika kijiji kilichofuata.

Kauli za mgombea huyo kuhusu maisha duni ya watu hasa kina mama ambao wamekuwa wakitozwa ushuru kwenye magulio, kukemea uonevu unaofanywa na walowezi kwenye mashamba makubwa na kuzungumzia kwa ufasaha mahitaji mengine ya wananchi kulimfanya kueleweka kwa urahisi kwa watu wa kawaida.

Lakini pia Nassari alikwepa kuingia kwenye mitego ya kujibu tuhuma mbalimbali zilizorushwa kwake na wapinzani wake hasa CCM na mara zote alikuwa akisema: “Mimi namwachia Mungu.”

Nassari aliingia kwenye uchaguzi huo kwa mara ya pili baada ya Uchaguzi Mkuu wa Oktoba 31, 2010 ambako alipambana na marehemu Sumari na kupata kura zaidi ya 19,000.

Udhaifu wa CCM
Timu ya kampeni ya Chadema ilimsaidia Nassari kutumia udhaifu wa CCM katika kufanikisha malengo yake.

Siasa za matusi majukwaani ambazo baadhi ya wapiga debe wake walizitumia hazikupata majibu kutoka Chadema na badala yake, Nassari alitumia msemo: “Tulianza na Mungu na tutamaliza na Mungu.”

Majibu ya baadhi ya tuhuma dhidi ya Chadema na mgombea wake yaliyotolewa na watu ambao si sehemu ya chama hicho yalikijenga zaidi. Mathalan, Kanisa Katoliki lilitoa tamko kwamba halijawahi kumtuhumu Dk Slaa kuhusu wizi wa fedha kama ilivyodiwa na CCM.

Mengine ni kauli ya mtoto wa kwanza wa Hayati Mwalimu Nyerere, Madaraka Nyerere kwamba Vicent Nyerere ni ndugu yao tofauti na madai ya Rais Mstaafu Mkapa kwamba hakuwahi kumfahamu, huku wazazi wake Nassari wakijitokeza jukwaani kupinga kile kilichosemwa na Wassira kwamba mgombea huyo wa Chadema hakuwa na baraka za wazazi wake kugombea nafasi hiyo.

Kauli hizo ziliwafanya makada wa CCM waonekane kuwa si wa kweli mbele ya umma na hata yaliyosema baadaye yalichukuliwa na baadhi ya watu kuwa ni uzushi na uongo.

Maoni ya wadau
Wasomi na wanasiasa nchini wamesema ushindi huo wa Chadema ni fundisho kubwa kwa CCM kwamba watu sasa wanataka mabadiliko.

Mhadhiri wa Chuo Kikuu cha Dar es Salaam (UDSM), Dk Kitila Mkumbo alisema huo ni ushindi mkubwa kwa wananchi wanaopenda mabadiliko.

“Hii ni ishara kwamba watu wanaotaka mabadiliko hapa nchini watawashinda watu wasiotaka mabadiliko, Arumeru Mashariki ni sehemu tu ya mabadiliko hayo,” alisema Dk Mkumbo ambaye pia ni Mjumbe wa Kamati Kuu ya Chadema.
Alisema hata kwenye chaguzi nyingine za kata katika Mikoa ya Mwanza, Mbeya na Tanga wananchi wameonyesha kuwa wanataka mabadiliko.

Mkurugenzi wa Chama cha Waandishi wa Habari Wanawake Tanzania (Tamwa), Ananilea Nkya alisema wananchi wa Arumeru Mashariki wameipelekea CCM ujumbe kupitia masanduku ya kura.
“Wamekiambia chama tawala kupitia ujumbe wa kura kwamba hawaridhishwi na hali ngumu ya maisha wanayoishi hivi sasa,” alisema Nkya.

Alisema wananchi hao wamechoshwa na ahadi za uongo ambazo zimekuwa zikitolewa kila baada ya miaka mitano na sasa wanataka mabadiliko.

Naibu Katibu Mkuu wa CUF, Julius Mtatiro alikipongeza Chadema na kusema kwamba uchaguzi huo unaonyesha kwamba wananchi hivi sasa wanataka mabadiliko.
Hata hivyo, Mtatiro alisema wakati umefika sasa kuweka utaratibu wa kuzuia uwepo wa chaguzi ndogo kwa sababu zinatumia fedha nyingi za walipakodi.

“Tuandae utaratibu wa kuachana na chaguzi ndogo zinatumia fedha nyingi. Wenzetu Msumbiji na Ghana wameacha mfumo huo, mbunge anapofariki chama kinatoa mbunge mwingine bila ya kuitishwa kwa uchaguzi,” alisema.
Kwa upande wake, Mhadhiri wa Chuo Kikuu cha Dar es Salaam, Bashiru Ally alisema ni vyema vyama vilivyoshinda na kushindwa vikafanya utafiti ili kufahamu nini cha kufanya hapo baadaye.
“Hata chama kilichoshinda ni vizuri kikafanya utafiti wa kwa nini kimeshinda uchaguzi huo ili kiweze kuendeleza sababu hizo za kushinda,” alisema.

Alisema ni vyema utafiti ukafanyika ili kufahamu ni kwa nini hivi sasa katika mfumo wa vyama vingi idadi ya wananchi wanaopiga kura ni ndogo.

“Wakati wa mfumo wa chama kimoja watu wengi walijitokeza kupiga kura kuliko sasa katika mfumo wa vyama vingi ni lazima tufahamu kwa nini?”
Mkutano wa shukrani

Jana, maelfu wa wakazi wa Arumeru Mashariki, walijitokeza katika mkutano wa uliofanyika kwenye Uwanja wa Leganga ambao chama hicho kilizindulia kampeni zake, kumpongeza Nassari kwa ushindi huo.

Mamia ya watu, wengi wao wakiwa vijana walitembea kwa miguu hadi uwanja ni hapo wakitokea katika maeneo mbalimbali ya jimbo hilo na Arusha Mjini.

Akizungumza katika mkutano huo, Mbowe aliwashukuru wakazi wa jimbo hilo, kwa imani kubwa na heshma waliyokipa chama chake kwa kumchagua, Nassari kuwa mbunge wao.

"Tunajua mlipata shida nyingi, mmekanwa sana, mmepigwa mabomu, mmekamatwa lakini mkasema lazima mtamchagua kijana wenu kuwa mbunge,”alisema.

Aliwataka vijana wenye shahada kuzitunza kwa ajili ya uchaguzi ujao na wale ambao hawana wahakikishe wakati wa kujiandikisha kwenye daftari jipya wanajitokeza.

Kwa upande wake, Nassari alisema mara baada ya kutagazwa mshindi asubuhi, baada ya dakika 15 tu, alianza kazi ya kuhakikisha vijana waliokuwa wamekamatwa na polisi wakisherehekea ushindi wake wanaachiwa.

Imeandikwa na Neville Meena, Peter Saramba na Musa Juma, Arumeru na Raymond Kamnyoge, Dar.

Monalisa kushiriki tuzo za NEA Awards

Ni Msanii bora na mwenye bahati ya kushinda kwenye tuzo mbalimbali, ambazo amekuwa akishiriki iwapo anachaguliwa na safari hii amewezakuteuliwa kwenye heka heka za tuzo za NEA Awards (Nigeria Entertainment Awards).
Si mwingine bali ni yule Msanii na Mtayarishaji mahiri wa Filamu kwa hapa nchini Tanzania, Yvonne Cherryl 'Monalisa', kwa juhudi zake ndizo zilizompelekea kuteuliwa kushiriki kinyang'anyiro hicho.
Kwani tuzo hizi zinatarajia kufanyika New York nchini Marekani mwezi Septemba, na anashiriki katika kipengere cha Pan Africa Actress of the Year.
Kwa tukio hili tu tayari mwanadada huyu anastaili kusaidiwa ili iwe nuru katika kuitangaza sanaa ya filamu kwa Afrika na Ulimwenguni kote.
Kwa upande wake Monalisa alisema amefurahishwa kwa kuteuliwa kwenda kushiriki kinyang'anyiro hicho, kwa sababu kuna watu wameshaanza kumpigia kura mwanadada huyo ili aweze kuibuka kidedea na ushindi mnono.
Alisema anaamini kuwa watanzania wanaweza, ni muda wao kumuunga mkono Mtanzania mwenzetu kwa ajili ya kuiletea heshima nchi yetu.
Watanzania tushirikiane kwa pamoja tumpigie kura Yvonne Cherryl, piga kura yako kupitia www.nigeriaentawards.com hapa ukiingia unakutana na picha ya Monalisa unajisajili ili uweze kumpigia kura. Mungu ibariki Tanzania, Mungu Mbariki Yvonne Cherryl.

Mrema:Mimi si kibaruwa wa CCM

Aliweza kuliambia Bunge kwamba hakutumwa na wananchi wake kwenda bungeni kuchochea nchi isitawalike, na zile hoja za kuwa yeye ni kibaraka wa Chama Cha Mapinduzi (CCM) hazina ukweli ndani yake.
Hakuwa mwingine bali ni yule Mbunge wa Vunjo, Augustino Mrema (TLP), alitoa ufafanuzi juu ya uwamuzi wake wa kutounga mkono baadhi ya uamuzi wa Chadema na ni utashi wake binafsi.
Mbunge huyo alisema amekereka na kauli ya Mbunge wa Viti Maalum Iringa, Chuki Abwao (Chadema) aliyoitoa ndani ya bunge hilo siku za usoni zilizopita.
Kwani Mbunge huyo wa Viti Maalum Iringa alipokuwa akichangia mjadala wa Wizara ya Mambo ya Ndani, alisema Mrema ni kibaraka wa CCM.
Mrema alisema, hoja hiyo haina ukweli wowote na kwamba hawezi kuacha kumuunga mkono Rais Jakaya Kikwete na Serikali yake, kwa kuwa ndiye mwenye mamlaka na madaraka ya nchi hii, na mengi ameyafanya kwa maendeleo ya wananchi wa Jimbo la Vunjo.
“Lazima nimuunge mkono Rais wangu, siwezi pingana naye ndiyo mtu mwenye madaraka na yote nitakayo kanifanyia jimboni, wengine wasio na madaraka siwezi waunga mkono,” alisema Mrema.
Alisema, suala la yeye kuwa Mwenyekiti wa Kamati ya Hesabu za Serikali za Mitaa si upendeleo, na kwamba hata wao Chadema katika Bunge la tisa, walipewa nafasi ya kuwa Mwenyekiti wa Kamati ya hiyo anayoishikilia yeye.

 

RATKO MLADIC AFIKISHWA MAHAKAMANI BELGRADE.

Mahakama moja mjini Belgrade, imeahirisha kikao cha kwanza cha kusikilizwa kwa kesi ya kupelekwa hadi mahakama ya kimataifa ya kivita ICC mjini The Hague, mkuu wa zamani wa jeshi la Waserbia nchini Bosnia, Ratko Mladic aliyekamatwa siku ya Alhamisi baada ya kubaini kuwa hali yake ya kiafya ilikuwa mbaya.

Madaktari wataamua hivi leo ikiwa kikao hicho cha mahakama mjini Belgrade kitarejelewa au la.

Mladic alionekana kuwa hafifu na kuzongwa na uzee wakati akiingia katika mahakama moja mjini Belgrade akiwa amevalia kofia na koti nzito.

Punde baada ya kufika mahakani ambapo alitarajiwa kusomewa mashtaka dhidi yake, mara tu kesi ikaahirishwa.

Akizungumza na waandishi habari wakili wa Mladic, Milos Saljic alisema mjeta wake ana matatizo ya kiafya na alikuwa na matatizo ya kuzungumza.

Utawala wa Serbia uko maakini kuona Ratko Mladic anakabidhiwa mbele ya mahakama ya kimataifa ya jinai kwa haraka, kwa matumaini kwamba kuhamishwa kwake kutadidimiza maandamano kutoka wazalendo wa Kiserbia ambao wanamuona Generali huyo wa zamani kama mtetezi wa jamii ya wa-Serbia.Hata hivyo kuna wengine ambao wamekaribisha kumatwa kwa Mladic, kwani hii inaondoa kikwazo kikubwa zaidi dhidi ya matumaini ya Serbia kujiunga na Muungano wa Ulaya.

Ratco Mladic alituhumiwa kwa uhalifu wa kivita hapo mwaka 1995 na mahakama ya kimataifa ya jinai iliyoko the Hague ambapo amelaumiwa kutekeleza mauaji ya kimbari.

Wakili wake hata hivyo anasema hatambui uhalali wa mahakama hiyo ya ICC.

Huku kukamatwa kwa mladic kukivutia hisia tofauti nchini Serbia, kimataifa hatua hiyo imepokelewa kwa sifa kuu.

Rais Barack Obama amempongeza mwenzake wa Serbia Boris Tadic, kwa juhudi zake kumsaka jenerali huyo wa zamani.

Rais wa Ufaransa Nicolas Sarkozy na waziri Mkuu wa Uingereza David Cameron wamesema matukio ya sasa ni onyo kwa wahalifu wa kivita kwamba hatimae watakabiliwa na mkono wa sheria.

TUPIA MACOMMENT YAKO HAPO! UMESOMA MCHIZI

BASATA kufungua ukurasa upya wa mashindano ya urembo

Litafanya mabadiliko makubwa katika mashindano yote ya Urembo hapa nchini, ili yafanyike kwa kufuata taratibu na kanuni zilizopo.
Katibu Mtendaji wa BASATA, Ghonche Materego aliyasema hayo alipokuwa kwenye jukwaa la Sanaa, litakalofanyika kila Jumatatu barazani hapo wakati walipokuwa wakihitimisha mada ya Mchango wa Mashindano ya Urembo na Mitindo katika kukuza ajira iliyokuwa ikiwasilishwa na Juliana Urio ambaye ndiye muandaaji wa Shindano la Kisura litakalofanyika kila mwaka.

Alisema kwamba Baraza linakusudia kuwaita waandaaji wote wa mashindano ya urembo na mitindo, ili kuwakutanisha na wadau mbalimbali kwa ajili ya kueleza changamoto zilizopo na baadaye kuja na mapendekezo ambayo yatafanya mashindano hayo kuwa bora zaidi.

Alisema wanatambua mchango wa mashindano hayo, lakini lazima yafanyike katika misingi iliyo wazi na yenye ubora zaidi ndiyo maana wanataka kuwaita waandaaji wote kuwakutanisha na wadau mbalimbali ili wapate changamoto na michango mbalimbali ya uboreshaji.

Aliongeza kwamba si nia ya baraza kufuta shindano lolote lakini alisisitiza kwamba, shindano linapokuwa na mapungufu mengi lazima lifutwe.

Pia lazima waandaaji wazingatie masharti na taratibu zote wanazopewa, ili kuepuka kufutwa ka mashindano hayo.

MASTAA WA BONGO WAFUNGA NDOA MATATA

Ile harusi ya mastar wawili wa Bongo Flava iliyokuwa ikisubiriwa na wengi kati ya mzee wa kiduku Marlaw na mwanadada Besta hatimaye ilifanyika kwa siri mwishoni mwa wiki jijini A-Town (Arusha) huku ikiwa na ulinzi wa wa kufa mtu uliowazuia mapaparazi kuweza angalau kufotoa vijisnepu.

Taarifa za uhakika toka ndani ya jiji hilo zinamimina kuwa harusi hiyo ilifanyika katika Kanisa Katoliki Moshono nje kidogo ya Jiji la Arusha, gari walilotumia maharusi hao kwenda kanisani halikuwa limepambwa kama ilivyo desturi ya harusi nyingi.

Mara baada ya kufungwa kwa ndoa hiyo, kulifuatiwa na zoezi la upigaji picha kwa maharusi hao katika maeneo mbalimbali ya Jiji la Arusha, ikiwemo Hoteli ya kitalii ya Kibo Palace. Wakati huo, umakini wa walinzi wa maharusi hao uliongezeka kuhakikisha hakuna Paparazi anayewasogelea mastaa hao.

Hatimaye, maharusi waliwasili katika Hoteli ya Golden Rose saa 2:50 usiku huku wapambe wakiwa macho kuhakikisha mambo yanakwenda sawa. Kilichojiri katika harusi hiyo ni uchache wa watu walioalikwa tofauti na ilivyotazamiwa kutokana na umaarufu wa maharusi hao.

Marlaw na Besta walitinga katika hoteli hiyo kwa tahadhari kubwa. Baada ya kuteremshwa umbali wa mita 50 kutoka kwenye lango la ukumbi wa sherehe, walipakizwa ndani ya teksi bubu yenye namba za usajili T 220 AWP, Toyota Premio na kuwafikisha hadi ukumbini.

Marlaw alikuwa amevalia suti nyeusi na shati jeupe, huku Besta akiwa amevaa shela jeupe alilokuwa amelishikilia lisiburuzike chini.

Baada ya kuteremka ndani ya gari, walinzi wa maharusi hao waliwazingira huku wakihaha kuwapitisha kwa kuhofia wasipigwe picha na mapaparazi waliokuwa eneo hilo wakiwawinda kama mbwa mwitu.

Walinzi hao walifanikiwa kuwavusha maharusi kwa kutumia uchochoro wa hoteli huku wakitahadharisha kwamba mtu yeyote asithubutu kuinua kamera yake juu kwa lengo la kupiga picha.

Harusi hiyo ilionekana kupooza kwa kiwango kikubwa kutokana na uchache wa watu. Wageni walioalikwa walikadiriwa kufikia 30 au 40, ambao walishindwa kutoa ushirikiano wa kupiga vigelegele katika ukumbi huo. Walinzi walikuwa wengi pamoja na wale wa hoteli hiyo waliohakikisha kwamba hakuna ‘mzamiaji’ mwenye kamera.

Katika sherehe hiyo, nyimbo za Marlaw ndizo zilizotawala kuwatumbuiza waalikwa hao wachache. Hakukuwa na msanii au mtu yeyote maarufu aliyealikwa kwenye harusi hiyo, hali iliyowashangaza wengi.

“Hivi kweli Marlaw hana marafiki? Mbona hatuwaoni watu wengine maarufu?” Alihoji mwalikwa mmoja.

Wakati harusi ikiendelea, mtu mmoja alizamia ndani ya ukumbi wa sherehe hiyo, akadhaniwa ni paparazi. Walinzi wa Marlaw walimfuata na kumzingira, wakamshushia kipigo huku wakidai kwamba ametumwa kupiga picha. Walimny’ang’anya baadhi ya vitu walivyomkuta navyo.

Kwa mujibu wa shuhuda aliyekuwa katika kamati ya maandalizi ya harusi hiyo ambaye hakuwa tayari kutaja jina lake, ameeleza usiri wa ndoa hiyo umetokana na kuwepo kwa taarifa kuwa mzazi mwenza wa Marlaw (jina halikutajwa) alikuwa akiifuatilia ndoa hiyo kwa udi na uvumba ili aweze kuzuia isifungwe.

AKIWA KATIKA MIENENDO YAKE.

Wang Xihai, mwenye kummiliki Nguruwe huyo, aliliambia gazeti la Telegraph kwamba: "Mke wangu alitaka tumtupe lakini nilikataa.

Niliona tumpe fursa tuone kama ataishi, na kweli aliendelea kuishi."

Aliendelea kusema aliamua kumfanyisha mazoezi mnyama huyo baada ya kuzaliwa, na baada ya siku 30 aliweza kutembea akirukaruka.

Pia alisema tangu kuzaliwa kwa nguruwe huyo ambaye hivi sasa ana uzito wa kilo 50, nyumba yake imekuwa ikijaa watu kila siku kwenda kumtazama

Kiongozi wa waasi akamatwa DRC

Vikosi vya kuweka amani vya Umoja wa Mataifa na majeshi ya DRC vimemkamata kiongozi wa waasi anayetuhumiwa kuongoza mashambulio yaliyohusisha kubakwa kwa mamia ya raia.

Umoja wa Mataifa unasema Luteni Kanali Mayele wa kundi la waasi la Mai Mai Cheka alikamatwa kufwatia harakati za pamoja katika mkoa wa Kivu Kaskazini.
Watu kati ya 300 na 500 wanasemekana kubakwa wakati wa mapigano mashariki mwa Congo mwezi Julai na Agosti.
Vikosi vya kuweka amani vilishtumiwa kwa kushindwa kuzuia matukio hayo,ambayo mengine yalifanyika karibu na kambi ya Umoja wa Mataifa.

VIGOGO WAANGUKA UCHAGUZI WABUNGE CCM.

Matokeo yasiyo rasmi kutoka Tanzania, yanaonyesha kuwa baadhi ya wanasiasa wakongwe au vigogo wa chama tawala cha CCM wamepigwa kumbo katika kura za maoni kuchagua wabunge ndani ya chama hicho.

Mchakato huo mkali uliofanyika siku ya Jumapili umesababisha kuanguka kwa John Malecela, aliyewahi kuwa makamu mwenyekiti wa CCM Tanzania, akigombea jimbo la Mtera ameangushwa na Livingstone Lusinde. Kinachofurahisha zaidi ni kwamba Malecela na Lusinde ni ndugu.

Wabunge sita nje mkoa mmoja

Mkoa wa Iringa umeshuhudia wabunge sita wakishindwa kutetea viti vyao, katika jimbo la Njombe Kaskazini, Jackson Makweta ambaye amekuwa mbunge tangu mwaka 1970, ameangushwa na mfanyabiashara Deo Sanga. Bw Makweta aliwahi kuwa waziri miaka ya nyuma.
Kigogo mwingine aliyepokonywa heshima ya ubunge Joseph Mungai - jimbo la Mufindi Kaskazini, aliyewahi kuwa waziri wakati serikali ya rais wa kwanza, Julius Nyerere.
Wengi walioangushwa ni Profesa Raphael Mwalyosi (Ludewa), Benito Malangalila (Mufindi Kusini), Yono Kevela (Njombe Magharibi) na Monica Mbega (Iringa Mjini).
Anna Tibaijuka aliyekuwa msaidizi wa katibu wa Umoja wa Mataifa anayehusika na makazi, alimpiga mweleka Wilson masilingi.

Mawaziri

Aliyekuwa Waziri wa Ushirikiano wa Afrika Mashariki, Diodorus Kamala ametupwa katika kura za maoni kuwania jimbo la Nkenge.
Baadhi ya Mwaziri waliokabiliwa na upinzani lakini wamepita ni Profesa David Mwakyusa (Afya) na John Chiligati (Ardhi).

Sura za vijana

Miongoni mwa sura mpya ni kijana January Makamba aliyemwangusha William Shelukindo, mbunge anayemaliza muda wake jimbo la Bumbuli na kigogo wa CCCM.
Vile vile yupo mtangazaji wa VOA ya Marekani, Juma Nkamia ameshinda maoni jimbo la Kondoa Kusini baada ya kumwangusha mwanasiasa mkongwe Pascal Degera.
Mwingine ni mwandishi wa habari, Deo Filikunjombe, aliyemtosa Profesa Mwalyosi wa jimbo la Ludewa.
Matokeo rasmi yatapatikana hivi karibuni, ingawa hata walioshinda hawana uhakika asilimia 100 wa kuwakilisha Chama Cha Mapindunzi katika uchaguzi mkuu utakaofanyika Oktoba mwaka huu.
Wote watalazimika kusubiri kikao cha Kamati Kuu ambacho kina mamlaka na idhini ya kufuta wagombea watakaobainika kuwa wamekiuka taratibu za chama hicho - ikiwa ni pamoja na kutoa rushwa kwa wapiga kura, jambo ambalo limedaiwa kujitokeza mara nyingi katika mchakato wa kura za maoni.
Kamati Kuu itakutana tarehe 14 Agosti.

KLABU YA NEWCASTLE IMEKAMILISHA KUTIA SAINI YA KUMCHUKUA MLINZI WA ZAMANI WA TIMU YA TAIFA YA ENGLAND SOL CAMPBELL KWA MKATABA WA MWAKA MMOJA.

Campbell alikuwa huru kuondoka baada ya mkataba wake na Arsenal kumalizika mwishoni mwa msimu wa ligi uliopita.
Lakini pia kulikuwa na taarifa kwamba Arsenal walikuwa na nia ya kuongeza muda wa mkataba na Campbell msimu unaokuja.
Taarifa za mlinzi huyo kuelekea Newcastle zinaondosha taarifa zingine zilizokuwepo kwamba huduma zake pia zilihitajika katika klabu ya Sunderland, na pia klabu ya ligi kuu ya Scotland- Celtic.
''Kujiunga na Newcastle, klabu yenye utamaduni wa kujivunia, na wafuasi wengi , bila shaka kwangu ni fahari kubwa.'' Alisema Campbell.
Anakuwa mchezaji wa tatu kuchukuliwa na meneja wa Newcastle Chris Hughton, kwa maandalizi ya klabu hiyo ya kurejea kwenye ligi ya Premier ya England, baada ya kucheza daraja la chini msimu uliopita.
Tayari Hughton alikuwa amekwishawachukua Dan Gosling kutoka Everton na James Perch kutoka Nottingham Forest.
Campbell alifunga ndoa karibuni Fiona Barrat, na punde tu baada ya kurejea kutoka fungate alikwenda kufanya majaribio ya kiafya tayari kuanza shughuli na Newcastle.
Katika msimu uliopita aliichezea klabu ya Arsenal mechi 11 baada ya kupata mkataba mfupi nao mwezi Januari.
Ilikuwa ni mara ya pili kwa Campbell kuichezea Arsenal, aliyokuwa ameiacha mwaka 2006 kujiunga na Portsmouth.
Akiwa Arsenal waliwahi kushindi taji la premier mara mbili, Kombe la FA mara tatu, na alipojiunga na Portmouth akawaongoza kutwaa taji hilo la FA mwaka 2008.
Msimu uliopita Campell alianzia kwenye ligi ndogo ya daraja la pili katika klabu ya Notts County kabla ya kuondoka kwa hiari kurejea Arsenal Septemba mwaka uliopita.
Ameshaichezea timu ya taifa ya England mara 73.

Moi aambiwa amheshimu Kibaki

Rais wa zamani wa Kenya Daniel Arap Moi ameambiwa na kamati ya kujenga usalama, kuwa amheshimu rais aliyeko madarakani, kufuatia wawili hao kushambuliana kwa maneno katika moja ya kampeni kuhusu katiba

Daniel Arap Moi, Rais wa zamani wa Kenya

Rais Mwai Kibaki anataka wananchi wa Kenya kuupitisha muswada wa katiba mpya, huku Bw. Moi akiongoza kampeni ya kupinga katika hiyo.
Lakini kamati iliyoundwa ya kujenga utaifa imesema mzozo huo wa kibinafsi unaathiri kazi zake.
Baadhi wanahisi Kenya huenda ikarejea katika hali iliyotokea mwaka 2007 na 2008 baada ya kufanyika uchaguzi ambapo watu zaidi ya elfu moja waliuawa na wengine laki 3 kukosa makazi.

Rais Mwai Kibaki

Siku ya Alhamisi, Bw. Moi ambaye aliwahi kuwa rais wa Kenya kwa miaka 24 alisema Bw. Kibaki hatakiwi kumshutumu kwa kupinga muswada huo, kwa kuwa hakutimiza ahadi yake ya kubadili katika ndani ya siku 100, wakati alipoingia madarakani mwaka 2002.
Mwenyekiti wa Kamati hiyo ya kujenga utaifa (NCIC) Mzalendo Kibunjia amemtaka Bw. Moi kumheshimu rais na kutoa wito kwa Bw. Moi na Bw. Kibaki kujizuia kutoa matamshi ambayo yanaweza kusababisha mvutano katika kampeni za kura hiyo ya maoni.

 

Ghasia za mwaka 2007-8

Kura ya maoni itafanyika Agosti 4.
Watu wasiopungua sita waliuawa baada ya bomu la kurushwa kwa mkono kutupwa katika mkutano wa kampeni ya kupinga rasimu hiyo mwezi Juni mjini Nairobi, huku wabunge watano wakishitakiwa kwa kutoa matamshi ya chuki wakati wa kampeni hizo. Hatua hiyo ilifuatua malalamiko yaliyofikishwa kwa NCIC.
Ghasia nyingi za mwaka 2007-8 zilitokea wakati uhasama katika uchaguzi ulipozusha mizozo ya kugombea ardhi, hasa katika eneo la Bonde la Ufa, sehemu anayotoka Bw. Moi.
Moja ya kipengele katika rasimu ya katiba mpya, ni kuunda tume ya ardhi ambayo itataifisha ardhi iliyopatikana kwa njia zizozo halali wakati wa utawala wa rais Moi.

Mchina 'mwenye manywele' kucheza filamu ya Mfalme wa Kima

Mtu "mwenye manywele", Yu Zhenhuan, anategemewa kufanyiwa upasuaji wa sura yake ili iweze kuvutia katika kuigiza kwenye televisheni.

RAIA wa China ambaye ana 'manywele' mengi zaidi mwilini anategemewa kufanyiwa upasuaji wa kurekebisha mwonekano wake ili aweze kucheza katika filamu ya Mfalme wa Kima katika mchezo mmoja wa televisheni uitwao 'Safari Kwenda Magharibi'.

Mtu huyo aitwaye Yu Zhenhuan, mwenye umri wa miaka 32, ana nywele zinazofunika asilimia 96 ya mwili wake kutokana na kasoro katika homoni zake.

Zhenhuan amewahi kucheza katika filamu kadhaa,lakini mkurugenzi wake aliamua kwamba kutokana na kutokuwa na mvuto kwa watu, ilibidi afanyiwe upasuaji wa kurekebisha sura yake.

"Nilifikiri mimi ndiye mchezaji bora kuliko wote kwani ninaonekana kama kima na jina langu ni mtu-kima," alisema Zhenhuan.

Aliongeza kusema: "Nilisoma katika kitabu kimoja na nikampata fundi wa nywele ili anifanye nionekane mtu-kima wa kweli.

Lakini nilishindwa katika usaili kwani sina mwonekano mzuri.

"Nitalazimika kufanyiwa upasuaji wa kuondoa nywele hizi pamoja na marekebisho usoni ili niweze kuonekana kama kima mzuri zaidi na hivyo kumfanya mkurugenzi huyo ajutie uamuzi wake wa kuniacha," alisema Zhenhuan akizungumza na gazeti la China Youth Times.

Raul astaafu Real Madrid

Aliyekuwa mshambuliaji mashuhuri wa Hispania Raul Gonzalez ametangaza kuiacha klabu ya Real Madrid baada ya kuichezea kwa miaka 18 akidai kwamba huenda akahamia klabu ya ligi ya Primia ya England.

Raul mwenye umri wa miaka 33-alitazamiwa kujiunga na klabu ya Ujerumani ya Schalke kwa mkataba wa miaka miwli lakini alikanusha kuwepo kwa mkataba wowote.
Raul amefunga mabao 323 katika mechi 741 alizoichezea Real Madrid na mabao 44 katika mechi 102 alizozichezea Hispania.
Mbali na klabu ya Bundesliga ya Schalke kumekuweko tetesi kwamba klabu za England kama Tottenham, Newcastle, Liverpool na Manchester United nazo pia zinamwangaza Raul.

AU KUPELEKA ASKARI 2000 ZAIDI SOMALIA

 

Mkutano wa 15 wa viongozi wa nchi na serikali za Afrika unaotarajiwa kukamilika hii leo mjini Kampala, Uganda umeafikiana kuongeza majeshi zaidi nchini Somalia.

Maafisa wamesema kuwa AU imekubali kupeleka wanajeshi 2000 zaidi katika mji mkuu wa Somalia, Mogadishu.

Aidha, maafisa wa muungano huo wametangaza kuwa uwezo wa majeshi hayo huko Somalia utabadilika, ili kuwaruhusu wanajeshi kupambana na wanamgambo iwapo watabaini kushambuliwa.

Bado haijawa wazi wanajeshi watakaopelekwa Somalia watatoka nchi zipi. Hata hivyo awali, mwandishi wa BBC aliyeko Kampala, Uganda ambapo mkutano huo unafanyika, anasema awali nchi za Guinea na Djibouti zilitangaza kuwa zilikuwa tayari kutoa vikosi vya wanajeshi wao.

Awali, rais Museveni wa Uganda alitoa wito wa kuongezwa kwa jitihadi za kukabiliana na wapiganaji wa kundi la kiislamu la Al- Shabaab. Kundi hilo limekiri kufanya mashambulio ya Kampala, ambapo watu zaidi ya 76 walikufa, waliposhambuliwa wakitizama fainali za kombe la Dunia za 2010.

TUMA USD BONGO NDUGU WATASIMAMIA MJENGO WAKO.

Mambo ya kutuma USD nyumbani ili ndugu wakusaidie kusimamia mjengo! Yaliyomkuta police advisor wa Uganda aliyetarajia kuwa polisi wa kwanza kujenga gorofa. (Jionee mwenyewe kwenye picha chini). Total cost USD 41,000.

JIVUNIE UASILI WAKO KAMA MTANZANIA NA IPENDE HIFADHI YAKO!

The Maasai people had been grazing their livestock in the open plains which they knew as “endless plain” for over 2000 years when the first European explorers visited the area. The name Serengeti is an approximation of the word used by the Maasai to describe the area. German geographer and explorer Dr. Oscar Baumann entered the area in 1892. Baumann killed three rhinos during a stay in the Ngorongoro crater.
The first Briton to enter the Serengeti, Stewart Edward White, recorded his explorations in the northern Serengeti in 1913. Stewart returned to the Serengeti in the 1920s, and camped in the area around Seronera for three months. During this time he and his companions shot 50 lions.
Because the hunting of lions made them so scarce, the British decided to make a partial Game Reserve of 800 acres (3.2 km²) in the area in 1921 and a full one in 1929. These actions became the basis for Serengeti National Park,^{[3] [4]} which was established in 1951. The Serengeti gained more fame after the initial work of Bernhard Grzimek and his son Michael in the 1950s. Together they produced the book and film Serengeti Shall Not Die, widely recognized as one of the most important early pieces of nature conservation documentary.
As part of the creation of the park, and in order to preserve wildlife, the resident Maasai were moved to the Ngorongoro highlands. There is still considerable controversy surrounding this move, with claims made of coercion and deceit on the part of the colonial authorities.
The Serengeti is Tanzania's oldest national park and remains the flagship of the country’s tourism industry, providing a major draw to the “Northern Safari Circuit”, encompassing Lake Manyara, Tarangire and Arusha national parks, as well as Ngorongoro Conservation Area

60 WAUAWA KATIKA MILIPUKO YA BOMU UGANDA

Milipuko imetokea katika mji mkuu wa Uganda Kampala iliyolenga mashabiki wa soka waliotizama mechi ya mwisho ya kombe la dunia katika televisheni.

Idadi kamili ya waliofariki bado haijulikani japo awali miili 23 ilipelekwa katika chumba cha kuhifadhia maiti. Duru zinaarifu kuwa idadi hiyo inahofiwa kufikia zaidi ya watu 60.
Mkuu wa polisi nchini humo Kale Kaihura amesema kuwa uchunguzi wa awali umeonyesha kuwa milipuko hiyo iliyotokea katika mikahawa ya vyakula na pombe ilinuiwa kusababisha maafa zaidi.

Waathiriwa wa mlipuko nchini Uganda

Shaka kuu imetiliwa kikundi cha wapiganaji wa kiislamu Al-Shabab nchini Somalia ambako Uganda imetuma majeshi yake kusaidia katika shughuli ya amani chini ya muungano wa Afrika.

World Cup final

Spain are now champions of the world as well as kings of Europe after Andres Iniesta struck right at the end of a tense World Cup final to clinch a 1-0 victory over the Netherlands.
All in all, it wasn't a classic was it? There were more bookings - 14 - than clear-cut chances, although the game did open up towards the end, and English referee Howard Webb was a busy man as he tried to keep the peace.

PWEZA WA MKALI ZAIDI YA SHEHE YAHAYA

Homa kali imetanda duniani kote juu ya Pweza wa ajabu ambaye ametokea huko mjuu nchini Ujerumani.Amezua umaharufu  mkubwa miongoni  mwa watu wengi sana duniani kote ,ameonekana maranyingi kwamba kila anachokitabiri huwa kweli! Wazee walinganisha wenye maskani yao uko nchini kenya wamesema inasemekana kuwa huyu Pweza amekewa mkali zaidi kuliko hata shek. Yahaya wa nchni Tanzania ,Pweza huyu alitabili juu ya mechi ya  ujerumani na Argentina na ikawa kweli! Jamaa anae ishi Pweza huyu anayejulikana kwa jina la Paul amesema Pweza huyu ajawahi kukosea kamwe.

   Wadau mnasemaje juu ya hili!